س: ايوا فين خلينها يا ابا نعالة ج: ابو نعالة هكذا حرفية،واه، وانا مدوز الحباسات و القيامة و زيد و زيد س:شوف انا ماغادوخنيش بذاك الهدور راني عارفك مزيان، ياك غا شدوك فافاركونيط و تزطمتي ج اشوف اسي سول عليا راني كنت ف الحركة ديال س اه صافي صاقي راني فاهمك اشنو بغيتي تكول ، واش ما كتحشمش، واش الي كان ماضل كيدير هاد الفضايح اللي كدير انت دابا ج انا؟ ايه ، و لكن ما عليناش، ندورو للسؤال، شفت بوحمارة مبلاصي عليك هاد الايام مع المسؤوليمن دياولكم و حتى خارج الاقليم، اشنو السر"؟
اما بلحاس كبير بزاف عليه و راضع من البزولة و مقدم الولاء قبل منو، هو كيعرف غير يتصورج ،راني جاوبتك على هذا السؤال واش
س: بونعلة او سي بو نعلة او جوج نعلات بحال بحال كيفاش و صلتي الميتيال ديال الموظقين ج: انت ديما حاط عليا كيفاش كيفاش، و راه الطريق الساهلة هي النقابة. ما عفتيش علاش انا عاض مزيان فالنقاية س: و لكن هاد النقابة اللي نتا داوي عليها شي نهار تلوحك. راه ج: اش كاتخرمز، واش انت مسطي و لا مالك؟ س: لا انا كنكول زعما ره كاين بزاف ديال الانتهازيين كينستاو النوبة، واش ما كاتفهمش راسك ج:شوف اسيدي عندنا احنا ف الفيرما ديالنا راه ما فيهاش النوبة،فيها الحكام حتى الموت س:ايوا علاش كتعملو المؤنمرات وكتقولو للناس اجيو تطلعوا المكاتب و كذا و كذا ، اشنو زعما اطلع تاكل الكرموص نزل شكون قالها ليك ج:شوف الخوا ما كاين لا كرموص لا هندي عندنا هنا فزمور س: واش انتا زموري بعدا، كول الصراحة ج: معلوم واحا امراتي ماشي زمورية س: و لكن انا كانشوفك غير مع البراني، معمرك تبعتي شي زموري ولد البلاد ج: ما فيهم فايدة ، كايديوك غير الهلاك س: ما فهامتش ج: ما كيعرفوش الطرق باش يوصلو بحال اش زعما ج:انا كولت ليك النقابة فالمميتال مثلا،شوية منها في حقوق النسيان و شوية فداكشي اللي جاي ، ايوا اعطا الله ها المستشارين، ها المجلس كدا و كدا ، المستقبل مع هاد الدستور الجديد عامر مزيان س: و لكن انت منقاعد، خصك تخلي البلاصة لشي وحدين خرين ج: ايوا الله يجيبك على خير ، انا و الله لا استافد معايا شي حد، حتى هادوك اللي كيديروني كاتب راه بلا خاطرهوم، كايحساب ليك كرهو شي حاجة ، افيق توا الله يهديك، واش انا بهاد التجارب عاد اضحك عليا شي واحد س: هاد الشي كولو مزيان و لكن امتا غادي تعطي شوية الراحة لراسك ج: ايوا ها دخول الصحة، الخاوا انا مرتاح مزيان مع قبي، شكون كال ليك انا معدب، راه هادا هو النضال ديال هاد الوقت، الفلوس ،الماكلا فابور، الطرونسبور فابور ، ايوا نتبع الخاوي؟، راه داك الشي علاش شادين فيا الخوت اللي وصلو و اللي ما زال ما وصلو س: اسدي راط احديدان مع راسك، فين قريتي هاد الشي كامل؟ ج: هاد السؤال ماشي انا اللي غادي نجاوبك عليه، قرا الناريخ ديالي المكلخ